ما هي طريقة عمل ناجتس الفراخ فتكات؟

Question

طريقة عمل ناجتس الفراخ بالصور فتكات

Answer 1

ما هي طريقة عمل ناجتس الفراخ فتكات؟

المقادير

• بواقى فراخ ( نص صدر فرخه)

• بصلة صغيره

• فص توم

• توابل(كارى وكركم وجنزبيل ومرقة فورية وسماق وفلفل وملح وكمون)

• بطاطساية وسط مسلوقة او اتنين صغيرين

• بيضه

• دقيق

• بقسماط

التحضير

1. حنجيب بواقى الفراخ ونفصصها ونضيف عليها بصلة صغيرة وفص توم وشوية توابل انا حطيت كارى وكركم وجنزبيل ومرقة فورية وسماق وفلفل وملح وكمون ونفرمهم

2. حنجيب للكمية دى بطاطساية وسط مسلوقة او اتنين صغيرين ونهرسهم كويس

3. وبعدين نضيف الخليط للبطاطس ونعجنهم مع بعض كويس بالشوكة

4. ونجيب بيضة نضربها كويس وعليها معلقة مية او لبن عشان تفك من بعضها وناخد ربعها نضيفو للخليط
   ونقلب بالشوكة وكده بقت جاهزة

5. نجهز طبق البيض وطبق فيه شوية دقيق وطبق فى شوية بقسماط

6. حنعفر ادينا بالدقيق ونشكل الناجتس ونقلبو فى الدقيق بعدين البيض بعدين البقسماط

7. لازم نجمدها فى الفريزر ولو نص ساعة قبل الاستعمال

8. نحمرو فى زيت متوسط الحرارة

المصدر : موقع إقرأ