يا قرة القلب مدري قرة الأمنيات
الله يا ذكريات العام عيد الفطر
شلون ابنسى غلاك ويصبح شتات
والغلاك والقلب مثل الدايرة والقطر
اصارع الشوق بعدك من جميع الجهات
واقول يا ليت وصلك مثل ذكرك عطر
بين الامل في لقاك وبين ما فات مات
يجيبك الوقت ولا يجيب ربي مطر
وانتي طريق الممات الممتلي مغريات
القرب منك خطر والبعد عنك خطر
في عيونك امال عاشق وابتسامه حياة
ومن دونك الموت وسيوف السلوم تخطر
حبك حكايه كتبها الشوق والتضحيات
واخاف لا تصير نقطه في نهاية سطر
البارحه والحنين ينرفز المفردات
مدري وش اللي ع بال القريحه خطر
حاولت اسوي قصيده تستثير السكات
وطاحت دموعي على الطاري من اول شطر
ما يبذح العاشق ويسترجع الذكريات
الا مكان القاء والاغنيه والعطر