كلمات أغنية الشاعر إسلام خليل الجديد عن فيروس كورونا
الحلزونة ياما الحلزونة.. أل يعنى كانت ناقصة كرونا
مرض خطير وملهاش كبير ويموت..لا دا الحكاية كبرت يا ناس واحلوت.
أنفلونزا الطيور خطير غير انفلوانزا الخنازير خد بالك منه ليجيلك غدر وتتحجز وتقعد في الحجر.
اشرب ينسون ومية ولمون وافتح شباك البلكونة..الحلزونة ياما الحلزونة.
كورونا أصبح زى الشبح على العالم طل.. كورونا مرض مش بس عرض وعاوزله حل.
دا مش فانوس صيني وتليفون... دا وباء وجاى زى المجنون.
مسكت فرخة دبحت حمامة نصيحة منى البس كمامة وبلاش تبوس احسن تلوص.
ولا حتى تنفخ بالونة..الحلزونة ياما الحلزونة....آل يعنى كانت ناقصة كورونا.